القائمة الرئيسية

الصفحات

وصفات سهلة وسريعة للعشاء الجزء 3

وصفات سهلة وسريعة للعشاء الجزء 3


وصفات سهلة وسريعة للعشاء الجزء 3



قرعة محشية بالارز

يخلط نصف كأس أرز، رأس الحانوت، القرفة وملعقة صغيرة ملح توضع القليل من حشوة الأرز داخل كلّ حبة من الكوسة مفرغة من اللب.تسخن الزيت وتضاف بصلة مفرومة ناعما،2 طماطم مفرومة ، ملعقة نعناع مفروم ملعقتا معجون الطماطم و4 اكواب ماء، يحرك الخليط حتى يغلي ثم تضاف الكوسة وغطى القدر لمدة 45د حتى تنضج


شفلور مقلي 

نغلي الشفلور مع الملح و نصفيه. نخلط 3 بيضات مع الملح، الكمون، الكسبرة فلفل اسود و خليط نصف كأس ماء فرينة وشوية مايزينة .نغطس الشفلور في الخليط ونتركه لمدة نصف ساعة. نقليه في زيت ساخنة حتى يتحمر ونقدمه مع سلطة خضراء

رولي باللحم والبيشاميل

في الخلاط نضع حبة بصل، فصوص ثوم وكمية لحم مكفت، معدنوس وحبة بيض 3مغارف كبار خبز مرحي، ملح و فلفل اكحل، شوية قرفة ونطحنهم جيدا.نحتاج ورق المنيوم وفوقه ورق شفاف نضع فوقه الخليط السابق نفتحه نضع فوقه شوية بيشاميل بالجبن ونروليه ثم نضعه في الفور نخرجوه ونحمره في الزبدة ونقدمه مع صوص الطماطم


كروكات البسباس

احكمي بسباس فوريه حتى يطيب وخليه يقطر مليح زيديلو لحم مرحي، بصلة مكرفجة وبيضة ومعدنوس، فلفل وملح وخلطي مليح باليد وزيديلو الشابلور حتى تشد روحها، ندير كويرات ونرمدهم في الشابلور ونقليهم


أرز اكسبريس

نضع في قدر بصلة مفرومة مع الزيت، صدر دجاج مقطع مربعات، شوية لحم مفروم يتقلاو مليح، حبة فلفل أخضر مقطعة، كأس ارز، فلفل اسود، زنجبيل، فلفل عكري، ملح، 2 كاس ماء ونحط القدر على نار قليلة حتى ينشف الارز، نضيف حبة طماطم و حبة بصل أخضر مقطعين رقيق ومعدنوس، نخلط الكل ونخليه فوق النار 3 د ونطفي


مملحات بالجبن

12 م.ك فرينة/ م.ك سكر /م.ك خميرة الخبز نخلط الكل مع بعض، نضيف الملح و م.ك مارغرين طرية و م .ك زيت نخلط جيدا ونضيف الماء الدافىء حتى نتحصل على عجينة طرية ندلكها 2د ونتركها تترتاح. نفتح العجينة 4 ملم ونقطعها دوائر نضعهم في صينية ثم نضع دوائر مثقوبة فوق كل دائرة (مثل الصابلي)ونتركها ترتاح قليلا. نضع قليل من الجبن في الفراغ ندهنها بصفار البيض في الاطراف ونزينها بالسانوج وندخلها في الفرن 200 د

بوزلوف في الفرن

في قالب نضع طبقة من صلصة الطماطم (نضع فصوص ثوم مبشور في الزيت/ م.ك طماطم مصبرة وحبتي طماطم مبشورة، ملح ، فلفل اسود معدنوس وكمون ونخلط حتى تتخثر) نرص البوزلوف المغلى في الماء والملح نضع فوقه بطاطا مقلية دوائر وكمية معتبرة من الجبن المبشور وندخله الفرن


العصبان

للحشو: نأخذ رئة مغلية ومقطعة رقيقة/ الامعاء مغليين ومقطعين قطع صغيرة، معدنوس وكسبرة/ بصل و وثوم مهروسين /حوالي كأس أرز نيء/ ملح/ فلفل أسود/ م.ص فلفل عكري/ رأس الحانوت ونخلط الكل جيدا، نحشي الدوارة المخيطة سابقا ونغلقها.في قدر نضع زيت بصل و ثوم مرحيين/ كسبرة ومعدنوس مقطعين/ م.ك طماطم رأس الحانوت وملح/ فلفل أسود/ حميصة ونمرقها ونضع عليها حبات العصبان ونتركها تطهى على نار هادئة حتى تنضج

خبز الدار بدون عجن

نأخذ 7 م.ك سميد رطب، م.ك سكر، م.ص ملح، م.ك خميرة الخبز وقليل من السانوج والجلجلان، 4 م.ك زيت، بيضة كاملة وبياض بيضة و250 ملل حليب دافئ نخلطهم جيدا بالخلاط ونتركه يختمر 30 دقيقة بعدها نضيف 3 كؤوس فرينة ونخلط بالملعقة نتركه يرتاح 10 دقيقة. نفرغ الخليط في صينية مدهونة بالزيت ونتركه يختمر مرة أخرى ندهنها بصفار البيض ونرش عليها القليل من الجلجلان ونطهوه على 200 د حتى يأخذ اللون الذهبي.


دجاج محمر بالأرز

نحضر تتبيلة مكونة من م.ك زبدة، م.ص الموتارد، م.ص طماطم مصبرة، فلفل أسود زنجبيل، كمون، كركم، عكري، عصير الليمون، نصف كأس زيت نقسم الدجاجة على 2 نملحها ثم ندهنها بنصف كمية الخليط. في قدر على نار هادئة نقلي الدجاج من الجهتين ثم ندهنها بكمية الخليط المتبقية ونضعها في صينية ندخلها الفرن لمدة 45 د. في نفس القدر نأخذ كأس أرز نقليه جيدا في الزيت المتبقي مع الملح ونفس التوابل المستعملة في الدجاج وكأسين من الماء ونتركه ينضج. نقدم الأرز مع الدجاج

 كويرات السلق

نقطع السلق رقيق نغليه في الماء ونصفيه. في قدر نضع الزيت وقليل من الزبدة وثوم مهروس وم.ك طماطم مصبرة، حبة طماطم مهروسة وحبة جزر مقطعة دوائر، الملح والفلفل الأسود نمرق ونتركه يطهى .نخلط كمية من اللحم المفروم مع السلق، 2 م.ك خبز مطحون ملح وفلفل أسود وبيضة كاملة، نشكل كويرات ونضعها في المرق حتى يطهى اللحم المفروم ويتجمر المرق.نزينه بقليل من المعدنوس


باذنجان مشوي بالبيض

نشوي الباذنجان فوق النار ونضعه في كيس بلاستيكي. نغسله ونقطعه رقيق. في مقلاة نضع قليل من الزيت، الثوم، حبتين من الطماطم مهروسة، الملح والفلفل الأسود ثم نقلي جيدا. نضيف الباذنجان ونضيف 3 حبات بيض ونغطيه حتى يطهى ونزينه بالمعدنوس.

دجاج بالبسباس

في قدر نضع قليل من الزيت و الزبدة، حبة بصلة مهروسة، ملح وفلفل أسود، قطع من الدجاج ونقلي جيدا، نضيف قليل من القرفة والحمص ونمرق بالماء، نغطيه ونتركه يطهى. ننزع الدجاج بعدما يطهى ونضيف حبات البسباس، نغطيه حتى يطهى. نخلط حبة بيض وعصير حبة ليمون وقليل من المعدنوس مقطع، نرجع الدجاج إلى القدر ونفرغ عليه خليط البيض نضعه على نار هادئة لمدة 5 دقائق.
س.





هل اعجبك الموضوع :

تعليقات

التنقل السريع