القائمة الرئيسية

الصفحات

وصفات سهلة وسريعة للغذاء الجزء 2

وصفات سهلة وسريعة للغذاء الجزء 2

وصفات سهلة وسريعة للغذاء الجزء 2


شطيطحة سلق بالبطاطا

نغسل كمية من السلق، نقطعه ونغليه في الماء ثم نصفيه ونتركه جانبا. في مقلاة نضع قليل من الزيت، حبة بصل مقطعة رقيق، فصين ثوم، م.ك طماطم مصبرة ثم نضيف السلق، ملح فلفل أسود، ورأس الحانوت، ½ كأس ماء، كمية من القصبر والمعدنوس مقطعة. نضيف كمية من البطاطا مقطعة مربعات ومقلية من قبل.


شفلور مقلي بنكهة الأعشاب والثوم

نقطع الشفلور ونغليه في الماء والملح. نخلط حبتين بيض مع ½ كأس حليب و2 م.ك فرينة، قليل من المعدنوس مقطع، ملح وفلفل أسود. نغطس قطع الشفلور في البيض ثم نقليه في زيت ساخن. في نفس المقلاة نضع فصين ثوم، كمية من القصبر مقطع، الكمون، ملح وفلفل أسود ثم نضيف الشفلور ونقلي جيدا


هليلات باللحم المفروم

للعجين نأخذ كأس لبن دافئ نضيف عليه ملعقة خميرة فورية وملعقة سكر 2 م.ك زيت قليل من الملح ونضيف الفرينة حتى نتحصل على عجين طري وفي الأخيرة نضيف ملعقة مارغرين طرية ونعجنها ونتركها تختمر. في مقلاة نضع القليل من الزيت ونضيف اللحم المفروم حسب الرغبة فصين ثوم ونصف ملعقة طماطم مصبرة ملح وفلفل أسود وحبة طماطم. نفتح العجين على شكل دائرة رقيقة نضع الحشو على كامل الوجه ثم نقطعه على أربعة وكل ربع نقطعه على ثلاثة كل مثلث نلفه على شكل هليلات نتركهم يرتاحو 10 دقائق، وندخلها الفرن على 220د

دجاج مقلي

نقطع صدر دجاج مربعات ونضع عليه ملح، فلفل أسود، م.ك خل أو عصير ليمون، بيضة، م.ك مايزينة ونتركها ترتاح ساعة. نخلط ½ كأس فرينة مع ½ كأس شابلور، فلفل عكري، فلفل أسود، ملح، نرمد مربعات الدجاج في خليط الشابلور ثم نقليها في زيت غزير وساخن حتى يأخذوا اللون الذهبي ونقدمهم مع أي صلصلة.


غراتان الدجاج والجبن

نغلي صدر دجاج في الماء والملح. بعدما يطهى نفتته ونفرغه في صينية مدهونة بالزبدة. في الخلاط نضع جبن طري، حبة بيض، قليل من الملح والفلفل الأسود و ½ كأس حليب نخلط جيدا ثم نفرغه على الدجاج ونضيف عليه الجبن المبشور وندخله الفرن حتى يأخذ اللون الذهبي.


بطاطا كوشة

نقلي قطع من الدجاج في الزيت والزبدة، نضيف حبة بصل مقطعة رقيق، ملح، فلفل أسود العكري والكركم نمرق ونتركه يطهى. نقطع البطاطا دوائر ونقليها في الزيت. في صينية نضع البطاطا المقلية وقطع الدجاج من فوق ثم نفرغ المرق، نضيف قليل من المعدنوس وندخلها الفرن حتى تتحمر.


غراتان الشوفلور واللحم اللمفروم

نغلي قطع الشوفلور في الماء والملح. في صينية مدهونة بالزبدة نضع قطع الشوفلور. في مقلاة نضع قليل من الزيت، حبة بصل مقطعة رقيق، كمية من اللحم المفروم، ملح وفلفل أسود، م.ك طماطم مصبرة، قليل من الماء ونتركه يطهى. نفرغ الخليط فوق الشوفلور ونحضر البيشاميل: م.ك زبدة، م.ك فرينة، نقليها جيدا فوق النار ونضيف الحليب تدريجيا، الملح وفلفل أسود وقليل من الجبن الأبيض. نفرغ البيشاميل فوق الشوفلور ونضيف عليها الجبن المبشور وندخلها الفرن حتى تأخذ اللون الذهبي.


السلق بي الارز

نغسل السلق، نقطعه ونتركه جانبا. في قدر نضع قليل من الزيت والزبدة، حبة بصل مقطعة رقيقة، فصين ثوم مهروسة، ½ م.ك طماطم مصبرة، ملح وفلفل أسود ونقلي جيدا. نضيف السلق ونخلط، نضع عليه ½ كأس أرز ونقلي ثم نمرق بكأس ماء ونصف ونتركه يطهى على نار هادئة.

دجاج مشوي بدون شواية

نأخذ قطع من الدجاج نملحهم، ندهنهم بالزبدة ثم نرمدهم في الفرينة. نحضر خليط فيه م.ك طماطم مصبرة، م.ك خردل، عصير ليمون، ملح وفلفل أسود، كركم، 2م.ك زيت، ثوم مهروس، زعيترة ثم ندهن الدجاج بالخليط الذي حضرناه ونوزعه فوق شباك الفرن ونضع تحته صينية. ندخله الفرن على 180 د لمدة ساعة ثم نحمره من الفوق.

خبيزات الشوفلور بصوص بيضاء

في قدر نضع قليل من الزيت والزبدة، حبة بصل مبشورة، قليل من الحمص، معدنوس، ملح وفلفل أسود، قرفة و نقلي جيدا. نضيف الماء ونتركه يطهى. نغلي الشوفلور في الماء والملح ثم نهرسه ونضيف عليه 4 حبات جبن مثلثات، معدنوس، حبة بيض، ملح وفلفل أسود و4 م.ك شابلور. نشكل كويرات الشوفلور نرمدها في الفرينة ونقليها في الزيت حتى يأخذوا اللون الذهبي ثم نضعهم في المرق الذي حضرناه ونتركه يغلي لمدة 5د ونزينه بالمعدنوس والليمون.


هل اعجبك الموضوع :

تعليقات

التنقل السريع